# مجمع_فطار_اسكندرية #
البوست دة كنز ومن اقوي البوستات اللي كتبتها عن اسكندرية وعن الفطار و عن المجمعات اللى هتلاقوها
حصيلة شهور وتجارب كتير من #أين_تفطر_هذا_الصباح بالأسكندرية ومتفلتر و متقسم اقسام بكل الفئات رخيص وغالي وشرقى و أوبن بوفيه و أميريكان و قهوة :D غير أن كل اسبوع كنت بعمل بحث محترم على هنزل أكل فين :D
وكل #اللينكات تحت :) فانبسطوا
و يالا بينا
# اولا_الاوبن_بوفيه
- الأحسن على الإطلاق فطار #windsor_palace اللى فى محطة الرمل , اغلاهم بس برضه احسنهم من حيث التنوع الكبير جدا فى الفطار و الفيو بتاعه من فوق على البحر من أحسن الفيوهات فكان أكل وفيو , كان ب75 وسمعت انه بقى قريب ب 95
- ييجي بعده #imperial اللى برضه فى محطة الرمل , مكان هادى فيه تنوع متوسط , فيه نوستالجيا , بس للأسف روحته تانى من اسبوعين كان مستواه قالل وحاجات كتير مش موجودة اتمنى يتلافوها لأنه مكان حلو جدا
- وجربنا فطار أوبن بوفيه #كنوز فى سان ستيفانو بس هو متوقف دلوقتى فترة
- واخيرا #صوفيا_كيتشن , صوفيا كيتشن من اوائل اللى عمل حوار الأوبن بوفيه وكان طفرة فى اسكندرية جودة وسعر بس برضه للأسف من بعد ما فتح فرعه التانى مابقاش بالمستوى المطلوب اتمنى يرجعله
# ثانيا_الاكل_الشرقى
معظم المطاعم بقت تعمل فطار اكل شرق بس أنا رجعت ورا جدا للبدايات لحد ما وصلت للأفضل بلا منازع
- جاد_البنوك جاد البنوك غير كل الجاد المقرفين اللى موجودين فى القاهرة , مستوى هايل , اسعار رخيصة , خدمة محترمة ودة ببساطة لأنه أول فرع لجاد و الفرع الرئيسي , وبعديه فى الجودة بحاجة بسيطة جاد سيدي بشر عالبحر
- محمد_أحمد ؟؟؟! محمد احمد تروحه لو عايز نوستالجيا وتفتكر ايام زمان غير كدة كواليتي للأسف بقى أقل من عادى و اسعار مش متحددة
غير انك لازم تجرب عربية فول 👇
- عم_زغلول اللى جنب الجامعة وديه مش هتعرف توصلها الا لو اسكندرانى أوى :D
# فطار عالبحر بقى 😍 ↩ معظم دول ناحية البحر وقاعد شبه جوة البحر ↪
كل مكان على البحر غالبا بيختلف عن التانى بالفيو اللى قدامه أكتر من اختلاف تنوع الأكل
- جربنا #Taverna و #waves هم جنب بعض جدا فى كليوباترا و اختلافات بسيطة فى المنيو و قاعدة هايلة بس waves يختلف انه اكبر سيكا وعنده قاعدة بين باجز وحركات.
- كازينوا الشاطبي جربنا #OPA اللى فى الدور الأخير , مكان هايل قاعدة حلوة و أكل نضيف بس من أكتر الأماكن اللى كمية الأكل كان قليلة نسبيا عن البلغ المدفوع.
- نعنع اللى برضه فى كازينو الشاطبى دة واخد الفيو من تحت الشاطىء وتقريبا نفس متوسط أسعار OPA.
◆◆◆ فيه فى القلعة مكان قعدته مبهرة على القلعة اسمه 7’SKY كان أول مرة اشوفه عرفته من النت و فطاره كان طاسات جبنة بس كانت عادية , بس كمكان هايل
- جربنا #سانتورينى جنب محطة الرمل , كان فطار خفيف ظريف , ديكورات جميلة جدا مختلفة عن معظم المطاعم و خدمة حلوة
- وجربنا #اتينوس جنب محطة الرمل برضه ودة طول عمرى بعدى من جنبه ونفسي اجربه فى أى حاجة بس طلع فطاره فاكس 😂
# نيجى_لفطار_النوستالجيا
بصوا فى متعة رهيبة و هدوء كدة فى الفطار عند
- ديليس و #تريانون فى محطة الرمل , ديليس أكتر كمان قاعدة و حلويات , و تريانون أكتر قاعدة و مخبوزات , فاكر اكلت عند باتيه جبنة كان عالمى و قهوة بالنوتيلا كانت هايلة
- ينضم ليهم فى النوستالجيا مكان علامة من علامات اسكندرية بس عمر ما حد جرب يدخله 😂😂اسمه #ايليت علامة من علامات محطة الرمل و أكله كان بسيط مش مفتكس وتحسه بيتى بس انبسطنا كنوستالجيا وشربنا بعديه من #خروب_أمال
# الفطار_الاميركان
- روسترى كان عامل طبق كويس جدا ومتنوع وفيه بيف بيكون حلو و عصير و بتاع
- PIERO اللى فى شارع فؤاد كان فطار خفيف بسيط و خدمة محترمة فكرنى بقهوة اللى فى التجمع فى القاهرة و برضه هتلاقوا لينك بتاعه تحت
☆☆☆ ونضيف برضه ان معظم restaurant اسكندرية بقت تعمل الفطار الأمريكان دة مع اختلافات بسيطة بس دول اللى جربناهم
أكلنا و أنبسطنا لازم نشرب
# القهوة بقى ومشتقاتها :D
جربنا 4 أماكن و سمعنا عن واحد....
- طبعا أولا #البن_البرازيلى ودة غنى عن التعريف بفروعه
- MUGS فى منطقة البنوك كان هايل
- قهوة_تركى فى كليوباترا كان كويس جدا و اللى بالنوتيلا كويسة جدا
- برازيليو_كوفى ودة روحناه لسببين مهمين , الأول كان عامل حاجة وقتها فى الفطار لو ابتسمت و قلت صباح الخير بتاخد واحد كرواسون تقريبا مجانا و كان عامل قهوة اللى فنجانها بسكوتة و تاكل البسكوتة بعد ما تشرب القهوة :D
- وسمعنا عن #مسلم انه كويس بس لسة ما جربناهوش
👈👈طبعا ما يمنعش ان نفسنا كانت بتهف على حاجات حرشة فممكن تفطر مرة #البان_سويسرا 😂 ومرة #كبدة_الفلاح أو عربية #عم_عث*مان فى محطة الرمل أو نشرب من #عصير_مكة بدل القهوة 😂 :D ومرة مش عارف ايه :D
اسكندرية أكيد اكبر من كل دة :)
وأكيد لسة حاجات كتير ما جربنهاش
ولحد ما نجرب كله
جربوا و انبسطوا
و بالهنا والشفا 😉😉😍
*جميع الحقوق محفوظة لمستكشفوود*
منقول..
